落雨+大風+低溫|楊漢群

【2016年01月28日 11:25 上午】落雨+大風+低溫|楊漢群


寒後,全香港都集中講「低溫」令人受困高山,其實「落雨+大風+低溫」先會咁攞命。

我經常登山,試過六月炎夏晚登大東山等睇日出,山下到山腰又熱又乾又冇風,點知上到山頂就大風兼成晚落雨,雖然只係微雨,但配合大風,就變成令全身濕透嘅凍雨,畀寒風凍雨淋足吹足成晚,六月飛霜凍到飛起嘅感覺,我試過,我真係試過。所以,1月24日,本來約好同朋友到西貢長咀遠足,當日朝早起身,發覺雨係咁落,又大又完全冇停嘅跡象,再聽新聞,話只有四度,加上風大得好緊要, 於是通知大家取消行程。之後嘅幾個鐘頭,就全世界都知道發生乜野事。

總之,登山前,即使到出發前一刻,都一定要充分評估天氣同所經地方嘅情況,如果唔係就會好似當日上山追冰嘅人一樣(包括民建聯立法會議員陳恒鑌),害己害人。至於大聲夾惡話「條命係我嘅」、「救人係你地嘅職責」嘅惡蠻女人,完全唔理咁樣上山會影響搶救「其他人條命」,仲係明知故惡, 更加係映衰曬D正常山友。


相關文章