習總拍枱:中國市場堅決國際化,由得A股直跌一千點!|壹殼花生

【2016年02月04日 6:26 下午】習總拍枱:中國市場堅決國際化,由得A股直跌一千點!|壹殼花生


大陸A股年初以來一蹶不振,究竟國家隊去晒邊?本台節目主持蕭少滔尋晚稱收到風,透露原來一直以來習總與總理李克強講唔掂數,雖然兩者同為經濟改革派,都以中國市場國際化為目標,但原來大家對形勢判斷有嚴重分歧。據聞習總拍枱怒吼,話就算A股跌到1000點都要由佢跌喎~

蕭公昨晚於節目決戰中環大爆,A股大插水背後,李克強係力主暴力救市,但習總就覺得A股市場同國際市場嚴重脫節,「有乜理由香港上市嘅同一隻股票,會比大陸平一半呢?唔合邏輯架嘛,上面炒到幾十倍PE」。蕭公引述消息分析,如果外資唔肯買中國股票資產,咁又何以國際化呢?但同一方向去諗,中國嘢貴,咁人民幣又貴唔貴呢?蕭公指,去年底12月結算時,有大陸對沖基金純綷因沽空人民幣而狂賺錢,「咁又係咪惡意沽空呢?但點解又唔拉呢?」

蕭公估計,由而家起至3月都唔會有好消息,以前14年底用人民幣結算賺到爆嘅生意,而家會完全逆轉。

節目連結:

16年02月03日|決戰中環(主持: 蕭少滔,黃一恒,楊漢群)

相關文章