睇嚟唔可以排除插贜嫁禍這個可能性︱鍾劍華

【2017年09月13日 12:45 下午】睇嚟唔可以排除插贜嫁禍這個可能性︱鍾劍華


編按: 作者在FB分享薛家源《左派如何借奚落蔡標語 發動批鬥教育大學學生》有以下評論。

如果有關事件的時序沒有太多偏差,再睇翻建制各陣營的動作,插贜嫁禍的可能性越來越不能排除。

如果再睇埋對中聯辦有關活動的報道,加上9月9日特首那份聲明,整個建制系統在極短時間內便動員起來。特首、局長、校董會主席發言也配合得十分好。

教院學生會主席說,那一幅標語在半個小時左右便被移除。教聯會那一位副會長在港台節目也確認了,在黃昏才知道了那張標語,但當晚11:45已經有1237名校長及教師參與聯署,據講就是校長也有幾百位(好像說是五百多個)。似乎真係好有效率!封聯署信可以起草得好快!

圖片來源: 薛家源

香港共有中小學約1000間。扣除政府學校及一些唔係自己友,再加埋不少校長其實都是教協的會員,一般唔會咁熱衷參與教聯會的聯署及政治活動。即係話絕大部份其他校長都坐定定喺屋企,接收有關聯署的號召。

而且,點解果斷片可以出到街?點解咁啱唔係去咗蘋果而係去咗東方?如果唔係有心人主動放出去,CCTV嘅記錄係唔係咁容易比其他人攞到?如果係咁,出嚟打劫嗰啲仲駛乜怕俾人影到。

插贜嫁禍?陰謀理論?大家信不信?
越來越覺得,不能夠說沒有可信之處。


相關文章

最新文章