大坑冇火龍︱黃一恒

【2017年10月05日 12:40 下午】大坑冇火龍︱黃一恒


常聽人說每逢中秋節香港的大坑有舞火龍表演,住係香港幾十年,今次都係第一次去睇咋,證明香港實多有好多奇妙有待我們自己去探索發掘。

如果你以為大坑嘅火龍,好似Pokemon入面果隻小火龍(Charmander)咁會噴火,你就錯啦。嚴格黎講,這是一條「香龍」,一條龍身龍頭龍尾都插滿香支再由過百人舞動嘅長龍。

然而,叫佢做火龍,絕非手民之誤,中文字好多時講求意境,而非下下講求邏輯精準。而我夾硬話佢係「香龍」,主要原因係我覺得賣香港人真係賺到笑。每逢中秋,大坑一連三晚都有舞火龍,要插幾多支香先插得滿!再講,一晚舞幾小時,中途又要換香。

大坑舞火龍歷史,如果場面如何壯觀,大把人講,你上網Search下就知,以下我主要講講我親身體會出來嘅人文風景。

1. 好多鬼佬健兒參與舞火龍

無得講,香港但凡多外籍人士參加的活動,都是十分漂亮嘅人文風景。不信嘅話,又有美國航空母艦來港啦,你去駱克道打個轉,你一定感受到一股開心熱鬧嘅氣氛。而香港兩大跟龍有關嘅傳統節日活動,像爬龍舟和舞火龍,都不乏鬼佬身影。鬼佬愛運動,又加上有咁得意節日氣氛,佢地鍾意黎玩一啲都唔出奇。而我身為現場觀眾,睇住一大班鬼佬健兒Enjoy舞龍,又睇住一眾外籍觀眾好Enjoy地賞龍,我都Enjoy埋一份啦。

2. 龍頭龍尾換人體驗香港人靈活補位嘅性格

俗語話有頭有尾,而舞火龍最消耗力氣嘅就是舞動龍頭和龍尾嘅健兒。龍頭和龍尾體積特別大,插香數量特別多。不像龍身,雖然長但多人舞動分散力量,但龍頭和龍尾卻要獨舞!加上為了娛賓,舞龍頭和龍尾時要耍出特別多花樣,自然費力。現場所見,當某位舞龍頭或龍尾嘅健兒,出了絕招贏得了現場掌聲後,好快就有另一位後備健兒衝上去替代。我不知一晚會有幾多個健兒負責輪替舞龍頭或龍尾,但我作為現場觀眾,我覺得這個輪替動作好好睇,體驗到香港人做事靈活,識得走位和補位嘅精神。

3. 香港黑警正常時係幾有禮貌

「黑警死全家」呢句說話,未必會得到大多數香港人認同,特別係鮮有出席示威遊行活動果班市民。即使有去過示威遊行嘅市民,亦未必人人有機會親眼見到香港黑警發癲。不管節日或六四這些多人聚集的日子,黑警例牌出動維持秩序,無端端佢地唔會發神經打人。好似我係浣紗街舞火龍現場,黑警搬鐵馬分隔開用作表演嘅馬路和用作觀賞嘅行人路時,會好禮貌地請市民小心,提醒大家唔好讓相機碰衝。等待表演開始時,黑警又會同市民有講有笑。咁和諧嘅警民關係,本身亦是一道漂亮嘅人文風景。然而,我們當然不會忘記當黑警收到上頭Order襲擊示威者時果種惡形惡相,以及大量休班警員為非作歹嘅劣行啦。我只係話過節出來睇風景,不妨睇下黑警冇發癲時都好有禮貌。


標籤:

相關文章

本週熱點

最新文章