勇武派多得你班戇鳩仔唔少|黃一恒

【2015年03月09日 1:21 下午】勇武派多得你班戇鳩仔唔少|黃一恒


一班戇鳩仔,老屈完人地走私,仲可以理直氣壯,厚顏如此!

呢位婦女成個行李箱都係書,雖然我看不清楚書本內容,但愛閱讀者好歹是博雅之士。當然,如果是高雅之士,即使被人老屈仍能面不改容,心平氣和。

但我地無理由要求人人都達致如此高超境界。有人辯駁話個女童並非是因為班戇鳩「義士」直接搞喊,是因為果位被人老屈的婦女情緒失控才嚇親個女孩。

其實個女孩喊唔喊根本無關重要,小女孩容易受驚而哭啼沒甚麼大不了。但有句說話叫先聊者賤,你老屈完人地走私,人地據理力爭,打開個箱俾你睇,你仲係一班人繼續圍住佢來罵,人地覺得妳在欺凌婦孺,好正常。點錯人相,先罵人者好應自己先 say 句 sorry 讓受辱者 calm down 。

最恐怖嘅係,有個戇鳩青年仲強辭奪理地說:「唔係妳走唔走私,係妳啲同胞走私!」企圖合理化自己的戇鳩行為。

死囉,咁都可以連坐!按這邏輯,你班撚樣是香港人,我都是你的香港人同胞。你今天做了柒事,第日有人要算帳,也可以算到我的頭上,痴線!


標籤:

相關文章

最新文章