何俊仁:轉軚一億點交收?

【2015年04月15日 4:52 下午】何俊仁:轉軚一億點交收?


被政府視為重點撬票對象的民主黨,何俊仁昨出席花生台節目《黨國笑譚》時被問及會「善用」手上一票轉軚「袋住先」時,笑說:「一億(傳聞轉軚可得一億的酬勞)點交收?冇得交收架喎!」他認為,泛民是沒有論述基礎轉軚的,「轉都要有個過程架!」,指出如果收下這一億,日後將無尊嚴做人,會愧對家人及朋友。

何俊仁指,如今熱傳一億一票的流言反令無轉軚論述基礎的泛民更難轉軚,「你而家冇論述冇解釋都會轉嘅話,咁你冇收都話你有收!咁你唔收又變得好戇居喎!」

當被主持嘲笑民主黨沒有黨鞭,越來越多資深黨員「倒戈」呼籲「袋住先」,何俊仁笑指,「佢地都冇票,話之佢啦!」但他卻未有交代黨內會否處理黨員公開表達一些違背民主黨中委共識的尷尬問題。但何俊仁認為,現階段整體泛民而言都「好穩陣」,雖然有好多人出口術「叫陣」,但難以想像會有人轉軚,就算「一個起,兩個止都唔會,點會有四個呢?」

至於上述黃成智的出軌言論陷民主黨的尷尬境地,本網昨晚節目《高達會客室》民主黨李永達解釋點解遲遲唔踢黨內異士係因為民主黨黨章由創黨主席李柱銘草擬,因為李柱銘係律師出身要顧及有關人士嘅辯解程序,攪到「好麻煩」咁話喎。


相關文章

本週熱點