夠鳩,咪就係網媒囉。|Vincent

【2015年06月23日 11:03 上午】夠鳩,咪就係網媒囉。|Vincent


話說琴日係所有毒男嘅大日子,事關今日2015年6月22日係新世紀福音戰士故事入面第三使徒襲擊第三新東京市,新世紀福音戰士嘅故事亦隨即展開,乜野N2 地雷、初號機出場,NERV等等都出晒黎。

而家基本上無不論事無大小認真定係講笑,都必然會放上去社交平台到,部份網媒對「鬥鳩」嘅競爭樂此不疲,又改圖又出POST,總之將日本用突發新聞模式描述呢件現實世界好荒謬嘅事。

事實上,大家之所以唔再睇主流媒體,除左香港媒體全部都染紅,政治話題清一色維穩之外,可以話係無乜新意,但而家呢個世界潮流係講GIMMICK,講好笑,講求爆發性同話題性,所以今日如果絲毫不提新世紀福音戰士嘅媒體,基本上都可以話Marketing方面已經輸晒,至少你會被人覺得你追唔到風氣,落後於形勢。

部份網媒亦不失將湯家驊辭職一事同使徒來襲扯上關係,務求令成個畫面更加真實化,令讀者感受到動畫當中無辦法得到嘅「本土」感覺。今日又不知會催生多少新嘅網媒又或Blogger,但明顯話比大家知,網絡世界,所謂現實社會中位於較低階層嘅毒男始終屬於網上世界不可或缺嘅一份子,大家都爭住要討好呢班人,咁到底,係網上世界同現實世界不斷融合嘅未來,所謂毒男係社會嘅重要性係咪繼續不值一提呢?


相關文章