鄉議局組建「鄉郊保衞隊」,曾樹和賭J響應


【2015年03月18日 12:04 下午】鄉議局組建「鄉郊保衞隊」,曾樹和賭J響應


連續數星期的反水貨光復行動,令鄉議局不得不開會急謀對策,增選執委梁海明批評反水貨客人士如紅衞兵,差過黑社會,發起組織「鄉郊保衞隊」應戰,得到各鄉紳大佬和應。元朗屏山鄉委會主席曾樹和話,如果真係有保衞隊,肯定會參與!仲講明,下次再有反水貨客踩入元朗,希望警方「開綠燈」,俾十五分鐘佢哋打場大仗:「我預咗唔撈呢個位,係面子問題!」又不忿對方挑釁,豪言「你克制到,我切咗條X佢」。

對於上述建議希望成立鄉郊保衞隊保護各區,上水鄉委會主席侯志強已同意,並指幾周前已聯絡上水、元朗等地的商戶、居民代表和地區人士,討論如何搞好地區秩序,例如將貨物放好以免阻街,同時方便旅客和居民。鄉議局主席劉皇發批評反水貨客欺凌婦孺老弱行為令人髮指,不會袖手旁觀云云,強烈支持警方依法打擊有關行為。反對反水貨人士使用暴力嘅屯門鄉委會主席何君堯,就提出強烈譴責反水貨客人士違法行為嘅臨時動議,最後一致通過登報譴責。


相關文章

本週熱點

最新文章