CNN話香港鐵路系統同美國太空總署有得揮?|Vincent


【2015年04月08日 6:40 下午】CNN話香港鐵路系統同美國太空總署有得揮?|Vincent


「屌!港鐵又加價啦!」基本上呢句說話我們每年都會講一次。不過對於美國佬黎講,港鐵嘅鐵路系統竟然可同同美國太空總署(NASA)媲美。

CNN就列出幾點指出香港鐵路系統同NASA相似之處,由科技使用程度,轉車,出意外程度等等去證明兩者基本上無乜分別。

CNN先指出港鐵用218公里服務 1.6億人次,而出名嘅倫敦Underground用402公里都只係服務到1.3億,雖然倫敦嘅樓無咁高鐵路又無咁多站,不過都暫且聽住先。

之後CNN亦話港鐵年賺過億好巴閉,又話控制管理方面,港鐵將所有野都歸納去一個控制室控制,將所有野都放係同一個螢幕上面睇晒,仲係年中無休,入去都要經重門深鎖先得,所以搞到每年嘅意外都非常細,所以就將港鐵講到天上有地下無咁。

150116164408-mtr-occ-03-super-169 (1)

筆者睇完,真係一笑置之,其實寫果個有冇睇過新世紀福音戰士EVA,玩過超級機械人大戰?嚴格黎講,只有睇過日本動漫嘅人都知道,控制梗係同一個地方一隊人處理晒佢最方便快捷架啦。點解咁都可以寫到同NASA有得揮?咁咪即係證明你班鬼佬好低水平囉。

其實大家去過外國都知道,外國無果種樣樣野都追求最好最正嘅諗法,行去加拿大個尼加拉大瀑布,望望果度嘅機動遊戲呀咁,你會發覺去左90年代嘅歡樂天地,再行下佢地嘅旅遊景點,坐架船去體驗瀑布嘅水花,又或行下木橋近距離望下個瀑布,你就發覺其實外國野都幾似大陸,不過分別係一個比較乾淨,同一個好污糟咁解。

代入佢地嘅角度,再睇睇香港呢個被高度管理化嘅地方,你就發覺,所謂你睇我好我睇你好,係真嘅。講番地鐵,作為香港人每日都體驗緊咁高度嘅管理,真係一件值得稱讚嘅事咩?同NASA媲美真係咁威咩?有苦,真係自己先知,唉屌車飛又加價啦!

http://edition.cnn.com/2015/03/29/travel/gallery/mtr-occ/index.html


標籤:

相關文章

本週熱點

最新文章